09.09.2026 | 20:00
ԵՏՄ-ից դուրս գալը և ԵՄ մտնելը ՀՀ-ին գին կարժենա․ Արևմուտքը պատրաստ է վճարել այդ գինը․ Անդրիաս Ղուկասյան․ ՏԵՍԱՆՅՈՒԹ
ՌԴ դեսպանը գնահատականներ չտվեց Գեղարքունիքի մարզում ադրբեջանական ագրեսիային. ՏԵՍԱՆՅՈւԹ
Քաղաքականություն
29.09.2022 | 20:03
Հայաստանում հավատարմագրված դիվանագիտական ներկայացուցիչներն այս պահին Գեղարքունիքի մարզում են․ նրանց թվում են ՀՀ-ում ԵՄ դեսպան Անդրեա Վիկտորինը, Նիդերլանդների թագավորության դեսպան Նիկոլաս Յակոբ Սխերմերսը, ՌԴ դեսպան Սերգեյ Կոպիրկինը, ԱՄՆ փոխդեսպանը, ՄԱԿ-ի մշտական համակարգողի ժամանակավոր պաշտոնակատարը և այլք:
ՌԴ արտակարգ եւ լիազոր դեսպան Սերգեյ Կոպիրկինը լրատվամիջոցների հետ ճեպազրույցում ասաց, որ ներկայումս մշակվում է հավաքական անվտանգության խորհրդի որոշում, որը կոչված է լինելու պատասխանել բոլոր հարցերին, որոնք կան այստեղ:
«Ռուսաստանը հստակ է արտահայտում իր դիրքորոշումը ուժային մեթոդների նկատմամբ: Խնդրի խաղաղ կարգավորման քաղաքական-դիվանագիտական միակ իրատեսական ճանապարհը, որը հիմնված է եռակողմ պայմանավորվածությունների վրա, կարծում եմ, բավականաչափ հստակ է: Դրան ավելացնենք նաեւ Ռուսաստանի ձեռնարկած գործնական քայլերը, որոնք ոչ միշտ են հրապարակային հնչեցվում:
Ռուսաստանին, իհարկե, կարելի է քննադատել, յուրաքանչյուրն իր տեսակետն ունենալու իրավունք ունի: Սակայն չընդունել, որ Ռուսաստանը, առաջին հերթին բարձրագույն ղեկավարությունը, իսկապես շատ մեծ ջանքեր է գործադրում, արդար չէ»:
ՌԴ դեսպանը գնահատականներ չտվեց Գեղարքունիքի մարզում ադրբեջանական ագրեսիային:
Մանրամասները` տեսանյութում:
