16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
1245 աշակերտ զրկված է կրթություն ստանալու հնարավորությունից. Գեղարքունիքի մարզպետ․ ՏԵՍԱՆՅՈւԹ
Հասարակություն
29.09.2022 | 19:14
Հայաստանում հավատարմագրված դիվանագիտական ներկայացուցիչներն այս պահին Գեղարքունիքի մարզում են․ նրանց թվում են ՀՀ-ում ԵՄ դեսպան Անդրեա Վիկտորինը, Նիդերլանդների թագավորության դեսպան Նիկոլաս Յակոբ Սխերմերսը, ՌԴ դեսպան Սերգեյ Կոպիրկինը, ԱՄՆ փոխդեսպանը, ՄԱԿ-ի մշտական համակարգողի ժամանակավոր պաշտոնակատարը և այլք:
Ադրբեջանի վերջին ագրեսիայի հետևանքով, մենք ունենք երեք բնակավայրերում ավերածություններ. դպրոցներն են վնասվել, մանկապարտեզներ, տները, քաղաքացիական ենթակառուցվածքները: Այս մասին այսօր Վարդենիսում հայաստանյան դիվանագիտական ներկայացուցիչների հետ հանդիպման ժամանակ նշեց Գեղարքունիքի մարզպետ Կարեն Սարգսյանը:
Նրա խոսքով՝ այդ օրերին ռմբակոծությունների հետևանքով 12 բնակավայրերի բոլոր դպրոցներում, նաև Ճամբարակ խոշորացված համայնքի դպրոցներում ամբողջությամբ դասապրոցես չի իրականացվել: 7702 աշակերտ չի հաճախել դպրոց, 887 երեխա չի հաճախել մանկապարտեզ:
«Այս պահին 12 դպրոցներում դեռևս դասեր չկան՝ անվտանգության նկատառումներից ելնելով։
Այն ընտանիքները, որոնք ցանկություն են հայտնել, որ իրենց երեխաների ուսուցումը կազմակերպվի հեռավար, այս պահի դրությամբ իրականացվում է։ Որոշ դպրոցներում դասապրոցեսը դադարեցված է, 1245 աշակերտ ամենօրյա դասապրոցեսների չի մասնակցում»։
Մանրամասները՝ տեսանյութում։
