09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Աշխարհը բոլորիս աչքի առաջ փլուզվում է. Նիկոլ Փաշինյան․ ՏԵՍԱՆՅՈՒԹ
Տեսանյութեր
29.09.2022 | 11:33
Երեք օրակարգային առաջնահերություններ կան, որոնք պետք է դառնան այն լոկոմոտիվը, որով մենք պետք է առաջնորդենք մեր երկիրը այս համաշխարհային փոթորիկի մեջ։ Կառավարության այսօրվա նիստում նշեց վարչապետ Նիկոլ Փաշինյանը՝ հայտարարելով այն երեք հիմնական ռազմավարական ուղղությունների մասին, որով պետք է Հայաստանը շարժվի։
«Առաջինը՝ մենք պետք է բոլոր ջանքերը գործադրենք Հայաստանի շուրջ տևական խաղաղություն ու կայնություն հաստատելու ուղղությամբ, երկրորդը՝ մենք հետևողականորեն պետք է շարունակենք կրթության ոլորտում մեր բարեփոխումները ու կրթության ոլորտում մեզ պետք են խոշոր պետական ներդրումներ, երրորդը՝ Հայաստանի զինված ուժերի, բանակի հետևողական բարեփոխումները»,- նշեց վարչապետը։
Նիկոլ Փաշինյանի խոսքով՝ աշխարհն այսօր բոլորի աչքի առաջ փլուզվում է ու սրանում, ըստ նրա, ոչ մի չափազանցություն չկա։
«Այսօր ես կասեմ, որ, գոնե, Եվրասիական տարածաշրջանում չկա մի երկիր, որ այս ցնցումից հարվածի իր բաժինը չի ստանալու, ու մենք այս փլուզման գործընթացի մեջ պետք է լինենք կրկնակի ճկուն, կրկնակի ինտելեկտուալ, կրկնակի դիմադրողական, որ կարողանանք մեր երկիրը, այս փոթորկված օվկիանոսի միջով անցկացնելով, հասցնենք խաղաղ նավահանգիստ, իսկ սրա համար մեզ պետք է հատուկ կամք, հատուկ իմաստնություն, հատուկ աշխատասիրություն, հատուկ հետևողականություն»,- նշեց Փաշինյանը։
Մանրամասները՝ տեսանյութում։
