09.09.2026 | 20:00
ԵՏՄ-ից դուրս գալը և ԵՄ մտնելը ՀՀ-ին գին կարժենա․ Արևմուտքը պատրաստ է վճարել այդ գինը․ Անդրիաս Ղուկասյան․ ՏԵՍԱՆՅՈՒԹ
Ես չեմ տեսնում նշաններ, որ մարդիկ պատրաստ են աթոռից հրաժարվել. Քոչարյան
Քաղաքականություն
28.09.2022 | 14:30
Եթե «հումանիտար միջանցքն» է Նիկոլ Փաշինյանի հեռանալու գինը, ապա այն պետք է տալ։ Այս մասին այսօր հրավիրված ասուլիսում հայտարարեց ՀՀ երկրորդ նախագահ Ռոբերտ Քոչարյանը՝ պատասխանելով հարցին, թե արդյո՞ք հեռանալուց հետո Նիկոլ Փաշինյանին պետք է տալ անվտանգության երաշխիքներ։
«Ես չեմ ուզում մտնել այդ դաշտ, չգիտեմ, թե ինչն է չհեռանալու մոտիվը, կարելի է միայն ենթադրություններ անել։
Եթե հումանիտար միջանցքն է այս իրավիճակից դուրս գալու և Փաշինյանի հեռանալու գինը, որը պետք է տալ, այո պետք է տալ։ Բայց ես նույնիսկ նշաններ չեմ տեսնում, որ մարդիկ պատրաստ են աթոռից հրաժարվել։ Իրենց հոժար կամքով իրենք չեն գնալու։ Երկրի ռիսկերը գնահատելով այդ քայլին չեն գնալու։ Գնալու են մեկ պարագայում՝ հսկայական հանրային ճնշում»,- նշեց Ռոբերտ Քոչարյանը։
Հիշեցնենք՝ օրեր առաջ՝ սեպտեմբերի 22-ին հանդիպում էր տեղի ունեցել Ն․Ս․Օ․Տ․Տ․ Գարեգին Երկրորդ ամենայն հայոց կաթողիկոսի և ՀՀ նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի միջև, որի ընթացքում, ըստ հաղորդագրության՝ կայացել էր «շահագրգիռ քննարկում Հայաստանում ստեղծված իրավիճակի առնչությամբ և որոշում էր կայացվել շարունակել հանդիպումները»։
Ավելի վաղ՝ «Մոսկվա» կինոթատրոնի կարմիր դահլիճում Ռոբերտ Քոչարյանը փակ հանդիպում էր ունեցել իր մի խումբ համախոհների հետ։
Մանրամասները՝ տեսանյութում։
