12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Վարչապետի ելույթը ՄԱԿ-ում «Խաղաղության դարաշրջան»-ի հոգեհանգստի ելույթ էր․ Ռոբերտ Քոչարյան․ ՏԵՍԱՆՅՈՒԹ
Քաղաքականություն
28.09.2022 | 12:05
«Այս իրավիճակում անտեսել անվտանգային հարցերը սեփական ուժերի շրջանակներում, ուղղակի հանցավոր անգործություն է»,- այսօր հրավիրված ասուլիսում հայտարարեց ՀՀ երկրորդ նախագահ Ռոբերտ Քոչարյանը։
«ՄԱԿ-ում վարչապետի ելույթը «խաղաղության դարաշրջանի» հոգեհանգստի ելույթ էր։ Իրականում իր բովանդակությամբ սա նշանակում էր, որ այդպիսի սպասելիքներ չկան, «պանիխիդայի» ժամանակ հանգուցյալին ոչ-ոք առողջություն չի ցանկանում, ուղղակի պետք է այդ էջը փակել և բացել նոր էջ՝ այլ հիմքերի վրա հենված»,- նշեց Քոչարյանը։
Նրա գնահատմամբ՝ այս ամենը օրինաչափ հետևանքն է այն քաղաքականության, որը տարվել է Հայաստանում 2018-ից։
Քոչարյանի դիտարկմամբ՝ Հայաստանի դերակատարությունը տարածաշրջանում շեշտակի նվազել է. «Մենք՝ ինքներս հասցրել ենք «պլենտուսի» մակարդակի»։
Ռ. Քոչարյանը կրկնեց ավելի վաղ արած հայտարարությունը, այն է՝ մենք բանակցությունների վրա ենք, և ոչ թե այդ սեղանի շուրջ։
«Թույլերին և նվնվացողներին ոչ ոք չի սիրում, ոչ ոք այդ մարդկանց հետ ընկերություն չի անում. նույնը միջազգային հարաբերություններում է: Մուրացկաններին ինչ-որ բան տալիս են խղճահարության պատճառով, այլ ոչ թե հարգանքի: Չի կարելի պետությանը մուրացկան սարքել, եթե մենք ուզում ենք, որ մեր պետության և պետականության հանդեպ լինի հարգանք»,- նշեց ՀՀ երկրորդ նախագահը։
Հիշեցնենք՝ օրեր առաջ՝ սեպտեմբերի 22-ին հանդիպում էր տեղի ունեցել Ն․Ս․Օ․Տ․Տ․ Գարեգին Երկրորդ ամենայն հայոց կաթողիկոսի և ՀՀ նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի միջև, որի ընթացքում, ըստ հաղորդագրության՝ կայացել էր «շահագրգիռ քննարկում Հայաստանում ստեղծված իրավիճակի առնչությամբ և որոշում էր կայացվել շարունակել հանդիպումները»։
Ավելի վաղ՝ «Մոսկվա» կինոթատրոնի կարմիր դահլիճում Ռոբերտ Քոչարյանը փակ հանդիպում էր ունեցել իր մի խումբ համախոհների հետ։
Մանրամասները՝ տեսանյութում։
