Ինչո՞ւ չենք կառուցել լուրջ բնագիծ. Ռոբերտ Քոչարյան․ ՏԵՍԱՆՅՈՒԹ

«44-օրյա պատերազմից հետո չի կառուցվել այնպիսի բնագիծ, որը զսպող հանգամանք կլիներ հակառակորդի համար»,- այսօր հրավիրված ասուլիսում հայտարարեց ՀՀ երկրորդ նախագահ Ռոբերտ Քոչարյանի ասուլիսը։

«Պետք է լրջորեն բանակով զբաղվել` 2 տարի է, ինչ լսում ենք բարեփոխումների մասին, սակայն վերջում ծնվեց մի նախագիծ, ըստ որի` 24 միլիոն դրամով կարող են բանակից ազատվել։ Սա քայքայիչ է բանակի համար։ Ինձ համար հասականալի չէ, թե 2 տարվա ընթացքում ինչու լուրջ բնագիծ չեն կառուցել, և միայն մի քանի հենակետեր են կառուցել լուսանկարներով ցույց տալու համար, իսկ մնացածն անմխիթար վիճակում է։

Իշխանությունն ասում է, թե փող ունի բանակի բարեփոխման համար. այդ դեպքում ինչո՞ւ չեն կառուցել այնպիսի բնագիծ, որը զսպող հանգամանք կլիներ հակառակորդի համար,- նշեց Քոչարյանը՝ ընդգծելով՝ չկա այնպիսի բնագիծ, որը հնարավոր չլինի ճեղքել, սակայն բնագիծը նրա համար է, որ կարողանայինք քիչ կորուստներով դուրս գալ իրավիճալից։

Քոչարյանի դիտարկամբ՝ այս ամենը նշանակումէ, որ 44-օրյայից հետո որևէ դաս չենք քաղել։

«ՄԻ՛ հավատացեք այն պնդումներին, թե հնարավոր չէ զենք գնել. մենք զենք ենք գնել Ռուսաստանից, Եվրոպայից, Չինաստանից։ Ադրբեջանը պատերազմ սկսել է ոչ թե այն բանի համար, որ ինքը շատ ուժեղացել է, այլ լավ իմանալով, որ մենք ենք թուլացել»,- նշեց ՀՀ երկրորդ նախագահը։

Հիշեցնենք՝ օրեր առաջ՝ սեպտեմբերի 22-ին հանդիպում էր տեղի ունեցել Ն․Ս․Օ․Տ․Տ․ Գարեգին Երկրորդ ամենայն հայոց կաթողիկոսի և ՀՀ նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի միջև, որի ընթացքում, ըստ հաղորդագրության՝ կայացել էր «շահագրգիռ քննարկում Հայաստանում ստեղծված իրավիճակի առնչությամբ և որոշում էր կայացվել շարունակել հանդիպումները»։

Ավելի վաղ՝ «Մոսկվա» կինոթատրոնի կարմիր դահլիճում Ռոբերտ Քոչարյանը փակ հանդիպում էր ունեցել իր մի խումբ համախոհների հետ։

Մանրամասները՝ տեսանյութում։