07.08.2026 | 21:58
Դիլիջանում աշակերտների և ուսանողների համար ներհամայնքային տրանսպորտը կդառնա անվճար
Մտերիմներիս, բարեկամներիս պաշտոնների չեմ նշանակում․ Տիգրան Ավինյան․ ՏԵՍԱՆՅՈՒԹ
Հասարակություն
23.09.2022 | 14:09
«Համակարգելու եմ Երևանի կանաչապատման, շինբարեկարգման, մշակույթի ոլորտները, թաղապետարանների աշխատանքը և կառավարության հետ աշխատանքները: Իմ աշխատանքն ուղղված է լինելու այդ ոլոտներում առաջընթացին»,- Երևանի ավագանու արտահերթ նիստից հետո լրագրողների հետ ճեպազրույցում նշեց ՀՀ նախկին փոխվարչապետ, նորընտիր փոխքաղաքապետ Տիգրան Ավինյանը։
Անդրադառնալով կադրային փոփոխությունների վերաբերյալ հարցին և դիտարկմանը, որ Հայկ Մարությանի հրաժարականից հետո կադրային բոլոր փոփոխությունները վերագրվել են իրեն, որ իր մտերիմներին է տեղավորում և՛ քաղաքապետարանում, և՛ վարչական շրջաններում, Ավինյանը վստահեցրեց․ «Մտերիմներիս, բարեկամներիս զուտ իմ բարեկամ ու մտերիմը լինելու հանգամանքով պայանավորված, որևէ պաշտոնի չեմ նշանակում։ Փոխվարչապետ եղած ժամանակ, երբ իմ գրասենյակի աշխատակիցներին նշանակել եմ, նրանցից երևի թե միայն Վարագ Սիսեռյանին էի ճանաչում: Այսինքն՝ ես կադրերի ընտրություն կատարում եմ մարդկանց ունակությունները, գաղափարները և սկզբունքները հաշվի առնելով»։
Մանրամասները՝ տեսանյութում։
