30.04.2026 | 09:45
ՀՀ տարածքում ավտոճանապարհները հիմնականում անցանելի են
Փաշինյանը հանդիպել է Բլինքենի և Ստոլտենբերգի հետ․ Ավինյանը դարձավ Երևանի փոխքաղաքապետ․ Լուրեր
Քաղաքականություն
23.09.2022 | 13:52
- Այսօր առավոտյան ժամը 07։40-ի սահմաններում, Ադրբեջանի ԶՈւ ստորաբաժանումները հրաձգային զինատեսակներով կրակել են հայ-ադրբեջանական սահմանի արևելյան ուղղությամբ տեղակայված հայկական մարտական դիրքերի ուղղությամբ։ ՀՀ ՊՆ-ից տեղեկացնում են, որ պատասխան գործողություններով հակառակորդի կրակը լռեցվել է։ Հայկական կողմում կորուստներ չկան։
- Վարչապետ Նիկոլ Փաշինյանը ելույթ է ունեցել ՄԱԿ-ի գլխավոր ասամբլեայի նստաշրջանին ու հայտարարել է, որ Ադրբեջանական զինուժը պետք է դուրս բերվի Հայաստանի Հանրապետության ինքնիշխան տարածքից։ Նա հեռակա դիմել է Ադրբեջանի ղեկավար Իլհամ Ալիևին և հարցրել է՝ կարո՞ղ եք ցույց տալ Հայաստանի քարտեզը, որը ճանաչում եք կամ պատրաստ եք ճանաչել որպես Հայաստանի Հանրապետություն։
- Նյու Յորք այցի ընթացքում Փաշինյանը նաև հանդիպումներ է ունեցել ԱՄՆ պետքարտուղար Էնթոնի Բլինքենի և ՆԱՏՕ-ի գլխավոր քարտուղար Յենս Ստոլտենբերգի հետ։ ՆԱՏՕ-ի գլխավոր քարտուղարը նշել է, որ չափազանց մտահոգված է հայ-ադրբեջանական սահմանին տեղի ունեցած դեպքերի առնչությամբ:
- Երևանի ավագանու այսօրվա նիստում Տիգրան Ավինյանը 44 կողմ ձայնով ընտրվել է Երևանի փոխքաղաքապետ։ Իրեն ուղղված հարցերից մեկին պատասխանելիս Ավինյանն ասել է, որ Երևանում հանքերի շահագործում չի պատկերացնում։
Այս ժամի լուրերը՝ տեսանյութում։
