16.06.2026 | 12:54
«Կեղծիք տարածողը Դո՛ւք եք․ հիվանդանոցը չի կառուցվում»․ Թագուհի Թովմասյանը՝ Անահիտ Ավանեսյանին․ ՏԵՍԱՆՅՈՒԹ
Խուզարկություն Վովայի Արշակի բնակարանում. հայտնաբերվել է մեծ քանակությամբ զենք-զինամթերք. armtimes.com
Հասարակություն
25.05.2018 | 18:04
Մեր տեղեկություններով, Էրեբունիում ապրիլի 22-ին տեղի ունեցած զանգվածային անկարգությունների գործով օրեր առաջ քննիչները խուզարկել են ՀՀ նախկին ոստիկանապետ Վլադիմիր Գասպարյանի թիկնազորի պետ Արշակ Հակոբյանի բնակարանը. տեղեկացնում է armtimes.com-ը:
Նույն այդ տեղեկություններով, խուզարկության ընթացքում Արշակ Հակոբյանի բնակարանում հայտնաբերվել է մեծ քանակությամբ զենք-զինամթերք, որի օրինականությունը ստուգվում է:
Արշակ Հակոբյանը այս գործի շրջանակներում վկայի կարգավիճակով հարցաքննվել է:
Հիշեցնենք, որ այդ օրը դիմակավորված քաղաքացիական հագուստով անձինք մահակներով ու քարերով ոստիկանների աչքի առաջ հարձակվել են երթի մասնակիցների վրա, բռնություն կիրառել ցուցարարների նկատմամբ, հայհոյել ու էլեկտրահարել նրանց: Հրապարակված տեսանյութերում երեւում է, որ ոստիկանությունը չի էլ փորձում անգամ հանցագործություն կատարած անձանց բերման ենթարկել, ոչ էլ փորձում է կանխել այդ անձանց արարքները:
Դեպքի առթիվ հարուցվել է քրեական գործ ՀՀ քրեական օրենսգրքի 225 հոդվածի հատկանիշներով (զանգվածային անկարգություն):
