26.08.2026 | 11:16
Ջերմաստիճանը կնվազի 7-9 աստիճանով․ սպասվում են անձրև, կարկուտ և ուժեղ քամի
ՄԱԿ-ի Անվտանգության խորհուրդն այսօր ևս կքննարկի Հայաստանի և Ադրբեջանի շուրջ ստեղծված իրավիճակը
Քաղաքականություն
15.09.2022 | 10:52
ՄԱԿ-ի Անվտանգության խորհուրդը (ԱԽ) հինգշաբթի օրը՝ սեպտեմբերի 15-ին, կրկին կհանդիպի՝ քննարկելու Ադրբեջանի և Հայաստանի սահմանին տիրող իրավիճակը։ ՏԱՍՍ-ի փոխանցմամբ՝ այս մասին է վկայում չորեքշաբթի օրը տարածված Անվտանգության խորհրդի աշխատանքային ծրագիրը։
ՄԱԿ-ի Անվտանգության խորհուրդը կհանդիպի Հայաստանի խնդրանքով։ Չորեքշաբթի օրը Խորհրդի փակ խորհրդակցություններում արդեն քննարկվել է սահմանին տիրող իրավիճակը, հինգշաբթի քննարկումները կանցկացվեն բաց ռեժիմով։
Հիշեցնենք, որ նախօրեին հարցը ներառվել էր նիստերի օրակարգում ՄԱԿ-ի Անվտանգության խորհրդի՝ Ֆրանսիայի նախագահության խնդրանքով։ ՄԱԿ-ի ԱԽ անդամները երեկ կայացած նիստի ժամանակ կոչ էին արել շուտափույթ դադարեցնել կրակը Բաքվի և Երևանի միջև։
