05.06.2026 | 19:56
1 մլրդ դրամից ավելի է ծախսվել արտահիմնադրամային միջոցներից․ Եգորյանը՝ «Ուժեղ Հայաստան»-ի մասին. ՏԵՍԱՆՅՈՒԹ
Գիշերը հայ-ադրբեջանական սահմանին էական միջադեպեր չեն արձանագրվել. ՊՆ խոսնակ
15.09.2022 | 09:02
ՀՀ ՊՆ մամուլի խոսնակ Արամ Թորոսյանը հայտնում է, որ գիշերվա ընթացքում հայ-ադրբեջանական սահմանին էական միջադեպեր չեն արձանագրվել։
Հիշեցնենք՝ ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերությանը տված հարցազրույցում երեկ՝ սեպտեմբերի 14-ի երեկոյան հայտնել էր, որ միջազգային հանրության ներգրավվածության շնորհիվ է հաջողվել ձեռք բերել հրադադարի պայմանավորվածություն։ «Հուսանք, որ Ադրբեջանը կշարունակի պահպանել հրադադարը»,– ասել է նա։
Ավելի վաղ ՊՆ-ն հաղորդել էր, որ սեպտեմբերի 14-ին, ժամը 20։00-ից բոլոր ուղղություններով կրակը գրեթե դադարել է, էական միջադեպեր չեն արձանագրվել։ «Համացանցում շրջանառվող տեղեկությունները, թե իբր հայկական որոշ բնակավայրեր անցել են ադրբեջանական վերահսկողության տակ բացարձակ կեղծիք են։ Այս առնչությամբ ևս մեկ անգամ կոչ ենք անում զերծ մնալ նմանատիպ լուրեր տարածելուց և առաջնորդվել բացառապես պաշտոնական լրահոսով»,-նշված էր ՊՆ հայտարարության մեջ։
