09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Օրենքում փոփոխություններ՝ բանակում չծառայած և ՀՀ քաղաքացիություն ստացած սպորտսմենների համար․ ՏԵՍԱՆՅՈՒԹ
Քաղաքականություն
14.09.2022 | 12:14
Այսօր ԱԺ նիստում ԿԳՄՍ փոխնախարար Կարեն Գիլոյանը ներկայացրեց «Զինվորական ծառայության և զինծառայողի կարգավիճակի մասին օրենքում» լրացումներ կատարելու մասին նախագիծը, որով առաջարկվում է պարտադիր զինծառայությունից ազատել այն մարդկանց, որոնք հրավիրվել են Հայաստան՝ սպորտի բնագավառում հանդես գալու նպատակով, ստացել ՀՀ քաղաքացիություն, հետո հավաքականից դուրս եկել ու այլևս հանդես չեն գալիս ՀՀ դրոշի ներքո։
«Մենք կմաքրենք մի պատկառելի ցուցակ՝ 18 ֆուտբոլիստ, 2 բասկետբոլիստ, որոնք ժամանակին խաղացել են Հայաստանի հավաքականներում: Հիմա օրենքի հետ խնդիր ունեն ու իրենց երկրներում պարբերաբար բերման են ենթարկվում, միջամտում ենք, խնդրում ենք ազատ արձակել:
Օրինակ, մեր Ֆուտզալի հավաքականի ավագը՝ Վադիմիր Սանոսյանը պարբերաբար ՌԴ-ում խնդիրներ է ունենում, ստիպված ենք լինում միջամտել:
Սրանով անցյալն ենք մաքրում, հիմա արդեն կառավարության որոշումներով այդ հարցերը կարգավորված են, խնդիրներ չենք ունենում: Խնդրում եմ նախագիծն ընդունել և հնարավորություն տալ մարդկանց հանգիստ ապրել»,- նշեց Գիլոյանը։
Մանրամասները՝ տեսանյութում։
