18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ուկրաինան այս պահին պատրաստ չէ Ռուսաստանի հետ բանակցությունների․ Զելենսկի
Քաղաքականություն
12.09.2022 | 14:06
Ուկրաինան պատրաստ չէ Ռուսաստանի հետ բանակցել Դոնբասում հակամարտության խաղաղ կարգավորման շուրջ։ Այս մասին հայտարարել է Ուկրաինայի նախագահ Վլադիմիր Զելենսկին CNN-ին տված հարցազրույցում, փոխանցում է Իզվեստիան։
«Այսօր՝ ոչ։ Ես նրանց կողմից կառուցողական լինելու ցանկություն չեմ տեսնում»,- ասել է նա։
Միաժամանակ, ՌԴ ԱԳ նախարար Սերգեյ Լավրովը հայտարարել է, որ Ռուսաստանը չի հրաժարվում Ուկրաինայի հետ բանակցություններից՝ նշելով, որ ուկրաինական կողմը «սաբոտաժի է ենթարկում բանակցությունները» և ամեն ինչ անում է՝ իրավիճակը բարդացնելու համար։
Ավելի վաղ Ֆրանսիայի նախագահ Էմանուել Մակրոնը Ռուսաստանի նախագահ Վլադիմիր Պուտինի հետ հեռախոսազրույցի ժամանակ կոչ էր արել Ռուսաստանի և Ուկրաինայի միջև բանակցություններ վարել՝ իրավիճակը կարգավորելու համար։
Տաթև Ֆռանգյան
