09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Պորտուգալիան հրաժարվում է «ոսկե վիզաներ» տրամադրել ռուսներին
Քաղաքականություն
11.09.2022 | 21:48
Պորտուգալիան Ուկրաինա ռուսական ներխուժման սկսվելուց ի վեր մերժել է «ոսկե վիզա» ստանալու Ռուսաստանի քաղաքացիների բոլոր 10 դիմումները: Սեպտեմբերի 11-ին հաղորդել է DW-ն՝ հղում անելով Պորտուգալիայի օտարերկրացիների և սահմանապահների գործերի ծառայությանը (SEF):
ՌԴ-ի նկատմամբ Եվրամիության պատժամիջոցների լույսի ներքո պատերազմի սկսվելուց հետո պաշտոնական Լիսաբոնը դադարեցրել է Ռուսաստանի քաղաքացիներից «ոսկե վիզա» ստանալու հայտերի քննարկումը: Կասեցման պահից Պորտուգալիայի իշխանությունները ստացել են 10 հայտ՝ մերժելով բոլոր դիմումները։
Ծրագիրը, որը գործում է 2012 թվականից, թույլ է տալիս 250 հազար եվրոյի չափով ներդրումների դիմաց ստանալ Պորտուգալիայում բնակության թույլտվություն: Ծրագրի մեկնարկից ի վեր ՌԴ քաղաքացիներին տրվել է ավելի քան 430 ոսկե վիզա, նշում է Publico-ն։
Վերջին անգամ Պորտուգալիան Ռուսաստանի քաղաքացիներին «ոսկե վիզաներ» է տրամադրել 2022 թվականի հունվարին, ըստ SEF-ի տվյալների։
