08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Մեծ Բրիտանիան նոր միապետ ունի․ արքայազն Չարլզը կթագադրվի
Քաղաքականություն
09.09.2022 | 11:22
Մեծ Բրիտանիայի թագուհու՝ Եղիսաբեթ II-րդի մահվանից հետո բրիտանական թագը անմիջապես և առանց արարողության փոխանցվել է նրա ժառանգին՝ Ուելսի նախկին արքայազն Չարլզին, գրում է BBC-ն: Այնուամենայնիվ, կան մի քանի գործնական և ավանդական քայլեր, որոնց միջով նա պետք է անցնի թագադրվելու համար:
Նոր թագավորը կոչվելու է Չարլզ III, թեև նա կարող էր ընտրել իր չորս անուններից որևէ մեկը՝ Չարլզ, Ֆիլիպ, Արթուր, Գեորգ:
Թեև արքայազն Ուիլյամն այժմ գահաժառանգն է, նա ինքնաբերաբար չի դառնա Ուելսի արքայազն։ Նա անմիջապես ժառանգել է իր հոր տիտղոսը՝ Քորնուոլի դուքս։ Ուիլյամի կինը՝ Քեթրինը, այժմ կկրի Քորնուոլի դքսուհի տիտղոսը։
Չարլզի կինը նույնպես նոր տիտղոս կունենա՝ այժմ այն կհնչի որպես թագուհի-զուգընկեր՝ «զուգընկեր» բառը բնութագրում է միապետի կողակցին։
Տաթև Ֆռանգյան
