23.03.2026 | 22:23
Թուրքիան միացել է Եգիպտոսի և Պակիստանի՝ ԱՄՆ-Իրան ճգնաժամի կարգավորման միջնորդական ջանքերին. Axios
Խնդիրները շարադրված են, պատճառները ներկայացված չեն․ Դավիթ Ամիրյանը՝ կրթության ռազմավարության մասին․ ՏԵՍԱՆՅՈՒԹ
Հասարակություն
07.09.2022 | 11:31
2022 թվականի հուլիսի 28-ին Կառավարությունը հավանություն էր տվել Կրթության մինչև 2030թ․ զարգացման պետական ծրագիրը հաստատելու մասին օրենքի նախագծին։ Կառավարության սեպտեմբերի 1-ի նիստում վարչապետ Նիկոլ Փաշինյանը համոզմունք հայտնեց, որ այդ փաստաթղթի բարեհաջող ապահովումը բարելավելու է Հայաստանի ապագան։
«Բազմաթիվ բուհեր հոգեվարքի մեջ են: Իսկ ինչի՞ մեջ է կրթության ռազմավարությունը» թեմայով քննարկման ժամանակ Բաց հասարակության հիմնադրամներ-Հայաստանի ծրագրերի գծով փոխտնօրեն Դավիթ Ամիրյանը նշեց, որ մի քանի անգամ տարբեր քննարկումներում նշվել է, որ այս փաստաթղթի մեծ մասը թվարկում է, շարադրում է գրեթե բոլոր այն խնդիրները, որ ունի մեր կրթական համակարգը:
«Այդ տեսակետից իրականում, երևի թե, սա առաջին փաստաթուղթն է, որտեղ հեղինակները չեն վախեցել ներկայացնել եղած խնդիրները, նաև հղում են արել տարբեր վիճակագրական տվյալների, որոնք տխուր են, ցավալի ու վտանգավոր: Այնպես որ, փաստաթուղթը մի փոքր հույս է ներշնչում, որ գոնե հանրորեն ամբողջ ժողովրդի առաջ ընդունեցին, թե ինչ իրավիճակ ունենք»,- հավելեց Ամիրյանը:
Նրա դիտարկմամբ՝ այս փաստաթղթի իրագործումը բարդ է․ «Խնդիրները շարադրված են, բայց ներկայացված չեն խնդիրների պատճառները, տրված չեն դրանց գնահատականները»:
Մանրամասները՝ տեսանյութում։
