16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ուկրաինայի հակահարձակումը Բալակլեայի ուղղությամբ հաջողվել է
Քաղաքականություն
07.09.2022 | 13:00
Պատերազմի ուսումնասիրության ամերիկյան ինստիտուտը (ISW) հերթական զեկույցում գրում է, որ ուկրաինական հակահարձակումը Բալակլեայի վրա հնարավոր է դարձել Խերսոնի շրջանում հարձակման շնորհիվ, քանի որ ռուսական զինուժը Խարկովի մարզից որոշ ստորաբաժանումներ է տեղափոխել այնտեղ, գրում է BBC-ի ռուսական ծառայությունը:
«Սեպտեմբերի 6-ին Խարկովի մարզում հակահարձակման անցնելով՝ ուկրաինացիները, հավանաբար, օգտվել են այս տարածքից Խերսոնի շրջան ռուսական ուժերի վերաբաշխումից, որն իրականացվել էր դիրքերն ամրապնդելու համար»,- ասվում է զեկույցում։
ISW-ն, հենվելով երկու կողմերի տեղեկությունների վրա, ենթադրում է, որ Ուկրաինացիներն առնվազն գրավել են Վերբովկան, որը գտնվում է Բալակլեա քաղաքի մոտ, իսկ այս հատվածում գտնվող ռուսական ուժերը հետ են քաշվել Սևերսկի Դոնեցկից՝ այդ ընթացքում կամուրջներ պայթեցնելով։
Տաթև Ֆռանգյան
