16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Բորիս Ջոնսոնը հանդես է եկել հրաժեշտի ելույթով
Քաղաքականություն
06.09.2022 | 19:26
Բորիս Ջոնսոնը հրաժեշտի ելույթ է ունեցել Դաունինգ սթրիթում գտնվող Մեծ Բրիտանիայի վարչապետի նստավայրի դարպասների մոտ։ Արդեն այսօր նա կմեկնի Շոտլանդիայի Բալմորալ ամրոց, որտեղ Եղիսաբեթ II-ի առջև պաշտոնապես կհրաժարվի բրիտանական կառավարության ղեկավարի պաշտոնից և թագուհուն կներկայացնի իր իրավահաջորդ Լիզ Թրասին, գրում է Euronews-ը։
«Ես հպարտ եմ, որ կատարել եմ իմ կուսակցության հանդեպ ստանձնած պարտավորությունները: Նրանք բարի եղան ինձ ընտրել 1987 թվականից ի վեր ձայների ամենամեծ մեծամասնությամբ: Մենք Brexit իրականացրեցինք՝ համոզվելով, որ Բրիտանիան կրկին հպարտորեն զբաղեցնում է իր տեղը աշխարհում»,- ասել է Բորիս Ջոնսոնը։
Պաշտոնը թողնելուց հետո Բորիս Ջոնսոնը կպահպանի իր տեղը Համայնքների պալատում։
«Ես ասում եմ իմ գործընկեր պահպանողականներին, որ ժամանակն է վերջ տալ քաղաքականությանը, տղանե՛ր: Մենք բոլորս պետք է համախմբվենք Լիզ Թրասի և նրա ծրագրի շուրջ ու ծառայենք այս երկրի ժողովրդին: Շնորհակալություն բոլորին, ովքեր հետևել են ինձ և իմ ընտանիքին վերջին երեք տարիների ընթացքում, ներառյալ իմ շանը՝ Դիլանին: Միշտ իմ կուսակցությանն ասել եմ՝ «եթե Դիլանը և իմ կատու Լարին կարող են հաղթահարել իրենց դժվարությունները, ապա Պահպանողական կուսակցությունը նույնպես կարող է հաղթահարել»,- կատակել է Ջոնսոնը։
Բորիս Ջոնսոնը ստիպված է եղել լքել վարչապետի պաշտոնը բազմաթիվ սկանդալներից հետո, ներառյալ՝ լոքդաունի ժամանակ Դաունինգ սթրիթում խնջույքները:
Տաթև Ֆռանգյան
