26.08.2026 | 12:10
Ռոբերտ Քոչարյանի որդին կալանավորվեց // Նոր հայցադիմում Գագիկ Ծառուկյանի գույքերի հետ կապված․ ԼՈՒՐԵՐ
Պուշկին-Եկմալյան փողոցների խաչմերուկում ապօրինի ծառահատում կատարողը ներկայացել է ոստիկանություն. ՏԵՍԱՆՅՈՒԹ
Հասարակություն
06.09.2022 | 15:43
Սեպտեմբերի 5-ին, ժամը 22.25-ին, ոստիկանություն հաղորդում է ստացվել, որ Երևանի Պուշկինի և Եկմալյան փողոցների խաչմերուկում ապօրինի ծառահատում է կատարվել, տեղեկանում ենք ՀՀ ոստիկանության հաղորդագրությունից։
Ոստիկանության Կենտրոնական բաժնի քրեական հետախույզները ձեռնարկած միջոցառումների արդյունքում պարզել են արարքը կատարողի ինքնությունը: Բացատրական աշխատանքի արդյունքում 30-ամյա երիտասարդը ներկայացել է ոստիկանության Կենտրոնական բաժին և տվել ցուցմունք:
Նախապատրաստված նյութերը ուղարկվել են նախաքննական մարմին:
Հիշեցնենք՝ Factor.am-ը նախօրեին հայտնել էր, որ Երևանի Պուշկին-Եկմալյան փողոցների խաչմերուկում անհայտ անձինք մի քանի րոպեում կտրել են մեծ ծառն ու տարել։ Ահազանգը հնչեցրել էր հարակից շենքի բնակիչը, որը նաև արձանագրել էր ծառը կտրողներին և նրանց ավտոմեքենայի համարանիշը։
