08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
ԱՄՆ պետքարտուղարի տեղակալը Բայրամովի հետ քննարկել է բրյուսելյան հանդիպման արդյունքները
Քաղաքականություն
06.09.2022 | 11:31
ԱՄՆ պետքարտուղարի եվրոպական ու եվրասիական հարցերով տեղակալ Քերըն Դոնֆրիդը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ։ Ադրբեջանական կողմի փոխանցմամբ՝ Բայրամովն ու Դոնֆրիդը կարծիքներ են փոխանակել տարածաշրջանային իրավիճակի, այդ թվում՝ Հայաստանի հետ հարաբերությունների կարգավորմանն ուղղված ջանքերի և երկկողմ օրակարգի հարցերի շուրջ։
«Բայրամովը զրույցի ընթացքում հայտարարել է, որ Ադրբեջանը պատրաստ է իրագործել Ադրբեջանի ու Հայաստանի ԱԳՆ ղեկավարների կողմից խաղաղության պայմանագրի նախապատրաստման ուղղությամբ, որի շուրջ պայմանավորվածությունը ձեռք էր բերվել օգոստոսի 31-ին Բրյուսելում Ադրբեջանի նախագահ Իլհամ Ալիևի, ԵԽ նախագահ Շառլ Միշելի ու Հայաստանի վարչապետ Նիկոլ Փաշինյանի հանդիպմանը»,-ասվում է հայտարարության մեջ։
Բայրամովը նաև հայտարարել է, թե Ադրբեջանը հետևողական քայլեր է ձեռնարկում խաղաղության օրակարգն առաջ մղելու համար։ Կողմերը նաև կարծիքներ են փոխանակել երկկողմ համագործակցության, ինչպես նաև փոխադարձ հետաքրքրություն ներկայացնող այլ թեմաների շուրջ։
Էմմա Չոբանյան
