15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Հարձակումների շարք Կանադայում․ ոստիկանությունը փնտրում է 2 կասկածյալի
Քաղաքականություն
05.09.2022 | 11:33
Առնվազն 10 մարդ զոհվել, ևս 15-ը վիրավորվել է Կանադայի կենտրոնական Սասկաչևան նահանգում տեղի ունեցած հարձակումների հետևանքով, հայտնում է BBC-ի ռուսական ծառայությունը՝ հղում կատարելով ոստիկանությանը։
Հարձակվողները փախուստի են դիմել, ողջ նահանգում ընթանում են նրանց որոնողական աշխատանքները։ Հարձակումներից տուժածներ են հայտնաբերվել 13 տարբեր վայրերում, այդ թվում՝ հնդկացիներով բնակեցված Ջեյմս Սմիթ և Ուելդոն համայնքներում:
Ոստիկանությունը հայտնել է, որ հարձակումների մեջ կասկածվում են 31-ամյա Դեմիեն Սանդերսոնը և 30-ամյա Մայլս Սանդերսոնը: Թեև նրանք կրում են նույն ազգանունները, իրավապահներն առայժմ չեն հաստատել նրանց ազգակցական կապը։
Ջեյմս Սմիթ համայնքում արտակարգ դրություն է հայտարարվել։ Ոստիկանությունը շրջանի բնակչությանը զգուշացրել է, որ հանցագործները զինված են և վտանգավոր:
