16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
ԱՄՆ-ն Ուկրաինայի ԶՈՒ-ին թույլատրել է ամերիկյան զենք օգտագործել Ղրիմին հարվածներ հասցնելու համար. Politico
Քաղաքականություն
19.08.2022 | 22:48
Վաշինգտոնը թույլ է տվել ուկրաինական բանակին ամերիկյան զենք օգտագործել՝ Ղրիմում հարվածներ հասցնելու համար։ Այս մասին հայտնել է Սպիտակ տան բարձրաստիճան պաշտոնյան։
«Իհարկե, մենք թիրախներ չենք ընտրում, և այն ամենը, ինչ տվել ենք, ինքնապաշտպանության համար է։ Ցանկացած նպատակ, որը նրանք կորոշեն հետապնդել ինքնիշխան ուկրաինական հողի վրա, ըստ սահմանման, ինքնապաշտպանություն է»,- նրա խոսքերն է մեջբերում Politico-ն:
Միաժամանակ, պարբերականի զրուցակիցն ընդգծել է, որ ԱՄՆ դիրքորոշման համաձայն՝ «Ղրիմն Ուկրաինա է»։
Հիշեցնենք՝ օգոստոսի 16-ի առավոտյան հրդեհ էր բռնկվել Ղրիմի Ջանկոյ շրջանում գտնվող ժամանակավոր ռազմական պահեստի տարածքում, որին հաջորդել է այնտեղ պահեստավորված զինամթերքի պայթեցումը։ ՌԴ Պաշտպանության նախարարությունը հայտնել է, որ արտակարգ դեպքի պատճառը դիվերսիան է եղել։
Ռուսաստանի միջազգային գործերի խորհրդի ղեկավար Անդրեյ Կորտունովը հունիսի 1-ին «Իզվեստիա»-ին տված հարցազրույցում լուրջ որոշում է անվանել HIMARS բազմակի հրթիռային համակարգերի (MLRS) մատակարարումը Կիևին: Նա նշել է, որ չնայած հավաստիացումներին, որ Ուկրաինան չի հարվածի Ռուսաստանի Դաշնության տարածքին, ամերիկյան HIMARS-ի ուղարկումը դեռ մեծացնում է հետագա էսկալացիայի ռիսկերը։ Փորձագետը հիշեցրել է, որ Ռուսաստանն ու ԱՄՆ-ն տարբեր պատկերացումներ ունեն այն մասին, թե որն է համարվում ռուսական տարածք։
Տաթև Ֆռանգյան
