19.12.2025 | 22:50
Իսրայելում ՌԴ քաղաքացի է ձերբակալվել Իրանի օգտին լրտեսության մեղադրանքով
Զբոսաշրջիկների հիացմունքը, ջրաբանների մտահոգությունը. ցայտաղբյուրներից տարեկան 11 մլն խ/մ ջուր է հոսում․ ՏԵՍԱՆՅՈՒԹ
Քաղաքականություն
10.08.2022 | 19:32
Երևանի այցեքարտը դարձած ցայտաղբյուրները գրեթե բոլոր զբոսաշրջիկներին են զարմացնում ու հիացնում։
Հայաստանի Հանրապետությունը խմելու ջրի լրջագույն պաշար ունի, որի արժեքը հաճախ չենք գիտակցում։
Երևանում մոտ 3000 ցայտաղբյուր կա։ Ստացվում է՝ միայն մայրաքաղաքի ցայտաղբյուրներից մեկ օրում աննպատակ հոսում է նվազագույնը մոտ 70․000 լիտր ջուր։ Ամբողջ հանրապետությունում հաշվառված ցայտաղբյուրների թիվը մոտ 6,5 հազարի է հասնում։ Ջուրը մատակարարում է ֆրանսիական «Վեոլիա ջուր» ընկերությունը, բայց ջրի կորստին չի հետևում։
«Վեոլիա ջուր» ընկերությունը տարիներ առաջ նաև պիլոտային ծրագիր իրականացրեց՝ մայրաքաղաքի մի քանի տասնյակ ցայտաղբյուրների վրա փական տեղադրելով։ Ծրագիրը, սակայն, հետագայում չշարունակվեց, մինչդեռ փականը շուրջ 10 անգամ նվազեցնում է ջրի կորուստը, ասում է ջրաբան Քնարիկ Հովհաննիսյանը։
Մինչ ջրի պաշարով հարուստ Հայաստանում վատնում են ջուրը, աշխարհում վաղուց ջուրը խնայելու տարատեսակ մեթոդներ են կիրառվում։ Հայաստանում էլ կարող են, բայց չեն անում, ընդգծում է ջրաբանը։
Կայան կառուցելու ծրագրեր չկան, բայց ջրի կորուստը կանխելու ուղղությամբ քայլեր արվում են, նշում է շրջակա միջավայրի փոխնախարար Գայանե Գաբրիելյանը։
Ցայտաղբյուրների վրա փականների տեղադրումը քաղաքացիների կողմից միանշանակ չի ընդունվում, ոմանք դժգոհում են, որ ջուրը սառնությունը կորցնում է։ Փականներին դեմ քաղաքացիներն էլ, ըստ երևույթին, ապամոնտաժում ու վնասում են դրանք։ Այդպիսի բազմաթիվ դեպքեր են գրանցվել։ Փականների 40 տոկոսն արդեն չկան՝ վնասվել կամ ապամոնտաժվել են։
Մանրամասները՝ տեսանյութում։
Սաթենիկ Հայրապետյան
