18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Շոլցը բացառում է «Հյուսիսային հոսք 2» գազատարի շահագործման հնարավորությունը
Քաղաքականություն
08.08.2022 | 21:54
Գերմանիայի կանցլեր Օլաֆ Շոլցը բացառում է «Հյուսիսային հոսք 2» գազատարի շահագործման հնարավորությունը՝ նույնիսկ առաջիկա ամիսներին բարդ իրավիճակի դեպքում: Այս մասին հայտարարել է Գերմանիայի կառավարության պաշոտնական ներկայացուցիչ Շտեֆեն Հեբեշթրեյթը, գրում է ՌԻԱ Նովոստին։
«Պարզ է, որ մենք հաստատակամ կերպով Ուկրաինայի կողքին ենք, և մենք աջակցում ենք պատժամիջոցներին, որոնք համատեղ ընդունել ենք ԵՄ-ի հետ և միջազգային հանրության հետ խորհրդատվությամբ։ Պարզ է, որ «Հյուսիսային հոսք 2»-ը հավաստագրված չէ, ներկայում չի անցնում նման գործընթաց ու հասանելի չէ օգտագործման համար»,- ասել է նա։
Հստակեցնող հարցին, թե գազամատակարարման հետ կապված իրավիճակի բարդացման դեպքում կանցլերը բացառո՞ւմ է գազատարի օգտագործումը աշուն-ձմեռ ժամանակահատվածում, Հեբեշթրեյթը դրական է պատասխանել. «Այո՛, նա դա բացառում է»։
Նա, միաժամանակ, համաձայնել է, որ աշուն-ձմեռ ժամանակահատվածը դժվար է լինելու Գերմանիայի համար, սակայն վստահեցրել է, որ կառավարությունը ձեռնարկել է անհրաժեշտ միջոցներ։
Էմմա Չոբանյան
