19.08.2026 | 13:10
Հունահռոմեական ոճի ըմբշամարտի Հայաստանի Մ-20 հավաքականն ԱԱ-ում ելույթն ավարտեց 4 մեդալով
Իսրայելը Գազայում խոցել է «Իսլամական ջիհադի» 139 թիրախ
Քաղաքականություն
07.08.2022 | 17:35
Իսրայելի պաշտպանության բանակն ուրբաթ օրը Գազայի հատվածում սկսված «Լուսաբաց» գործողության շրջանակներում խոցել է «Իսլամական ջիհադ» ահաբեկչական շարժման 139 թիրախ: ՏԱՍՍ-ի փոխանցմամբ՝ նման թվեր է ներկայացրել բանակի մամուլի ծառայությունը:
Բանակում նշել են, որ հարվածները հասցվում են «Իսլամական ջիհադի» ռազմական ենթակառուցվածքներին։ Մասնավորապես, գործողության ընթացքում ոչնչացվում են զենքով պահեստներ, հրթիռների արձակման հարթակներ, ամրացված դիրքեր։ Բացի այդ, ոչնչացվել է թունելը, որն ահաբեկիչների կողմից օգտագործվել է իսրայելական տարածք ներթափանցելու համար։
«Իսլամական ջիհադն» իր հերթին շարունակում է հրթիռներ արձակել իսրայելական տարածքի ուղղությամբ։ Գործողության սկսվելուց ի վեր արմատականներն ընդհանուր առմամբ 585 հրթիռ են արձակել, որոնցից 470-ը՝ իսրայելական կողմի ուղղությամբ, իսկ 115-ն ընկել են պաղեստինյան անկլավի տարածքում, նշել են բանակում: «Ընդ որում, մոտ 185 հրթիռ է խոցվել Իսրայելի քաղաքների երկնքում։
