20.06.2026 | 15:55
Նենց պետք է լինի, որ ծառը 500 տարի աճի. Փաշինյանը ծանոթացել է «Կյանքի պուրակ»-ի կառուցման աշխատանքներին․ ՏԵՍԱՆՅՈՒԹ
ՊՆ․ Սոթքի հատվածում վիրավորված զինծառայողի կյանքին վտանգ չի սպառնում
Հասարակություն
07.08.2022 | 12:28
ՀՀ ՊՆ-ից հայտնում են, որ օգոստոսի 6-ի երեկոյան հայ-ադրբեջանական սահմանի արևելյան հատվածում տեղակայված մարտական դիրքում հակառակորդի կրակոցից հրազենային վիրավորում է ստացել ՀՀ ՊՆ N զորամասի պարտադիր ժամկետային զինծառայող, շարքային Նվեր Արմենի Գևորգյանը (ծնվ. 2002թ.):
«Զինծառայողի կյանքին վտանգ չի սպառնում»,- ասված է ՊՆ-ի տարածած հաղորդագրության մեջ:
Հիշեցնենք, որ ավելի վաղ զինվորի վիրավորվելու մասին Factor․am -ին հայտնել է զինվորի հորաքույրը։
Ըստ նրա՝ տղայի վրա կրակել են երեկոյան ՝ սանհանգույց գնալու ճանապարհին։ Գնդակը դուրս է եկել աճուկի հատվածից։ Զինվորին անմիջապես տեղափոխել են Վարդենիսի հոսպիտալ, որտեղ առաջին բուժօգնություն են ցուցաբերել և տեղափոխել են Երևան։ Բժիշկները հարազատներին հայտնել են, որ նրա կյանքին վտանգ չի սպառնում, վնասված անոթներ չկան։
