30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ադրբեջանցի դիպուկահարի կրակոցից զինվոր է վիրավորվել
Հասարակություն
07.08.2022 | 12:23
Երեկ` օգոստոսի 6-ին, Սոթքի զորամասում ադրբեջանցի դիպուկահարի կրակոցից ժամկետային զինծառայող է վիրավորվել․ այս մասին Factor․am -ին հայտնել է զինվորի հորաքույրը։ Ըստ նրա՝ տղայի վրա կրակել են երեկոյան ՝ սանհանգույց գնալու ճանապարհին։ Գնդակը դուրս է եկել աճուկի հատվածից։ Զինվորին անմիջապես տեղափոխել են Վարդենիսի հոսպիտալ, որտեղ առաջին բուժօգնություն են ցուցաբերել և տեղափոխել են Երևան։ Բժիշկները հարազատներին հայտնել են, որ նրա կյանքին վտանգ չի սպառնում, վնասված անոթներ չկան։
«Բուժսպասարկումից և հրամանատար կազմից դժգոհություն չունենք, ամեն ինչ շատ արագ և սրտացավ կազմակերպել են, միայն թե անհասկանալի է ինչ հարաբերական կայուն իրավիճակի մասին են հայտարարում, երբ Հայաստանի սահմանին զինվորին կրակում են, և ինչո՞ւ մինչ այս պահը որևէ պաշտոնական հաղորդագրություն չկա դեպքի մասին», – ասաց հորաքույրը։
ՊՆ-ից առայժմ դեպքի մասին հաղորդագրություն չի տարածվել, մեզ ևս չհաջողվեց կապ հաստատել պաշտպանական գերատեսչության հետ։
