28.06.2026 | 05:30
ԱԱ-2026. Պորտուգալիան չհաղթեց Կոլումբիային ու փլեյ-օֆֆ դուրս եկավ երկրորդ տեղով. ՏԵՍԱՆՅՈՒԹ
Ֆինլանդիայի մաքսատունը ռուսներից առգրավում է պատժամիջոցների տակ գտնվող երկակի նշանակության ապրանքները
Քաղաքականություն
03.08.2022 | 22:24
Հուլիսի վերջին մեկ շաբաթից էլ քիչ ժամանակում Ֆինլանդիայի մաքսային մարմինները 2500 ստուգում է իրականացրել և հայտնաբերել պատժամիջոցների տակ գտնվող ապրանքների մաքսանենգության շուրջ 100 դեպք, այդ թվում՝ ռազմական օգտագործման համար պիտանի, գրում է BBC-ի ռուսական ծառայությունը։
AFP-ի տվյալներով՝ մաքսատունը բացահայտել է շքեղ ապրանքների և երկակի նշանակության ապրանքների մաքսանենգության 20 դեպք, ներառյալ՝ նավիգացիոն սարքավորումների։
«Առգրավվել են նաև անօդաչու թռչող սարքեր ու իրեր, որոնց մասին ներկա փուլում մեկնաբանություն չենք տալիս»,- ասել է մաքսատան ղեկավարներից Միկկո Գրոնբերգը։
Ֆիննական մաքսային ծառայության այս հայտարարությունը հնչում է Ռուսաստանից զբոսաշրջության սահմանափակումների քննարկման ֆոնին։
Հավելենք, որ նախորդ շաբաթ ֆիննական ընդդիմությունը խորհրդարանում առաջարկել էր դադարեցնել ռուսներին զբոսաշրջային վիզաների տրամադրումը։ Վարչապետի պաշտոնակատար Աքի Լենդեն աջակցել է վիզային ռեժիմի խստացմանը, և Ֆինլանդիայի նախագահն այդ հարցը քննարկելու է կառավարության հետ։
Էմմա Չոբանյան
