19.08.2026 | 16:33
Ռուս-վրացական սահմանը 24 ժամում ավելի քան 20,000 մարդ է հատել․ Վերին Լարսում մեծ խցանում է
Ստամբուլում գնաճը հասել է վերջին 24 տարվա առավելագույնին՝ գերազանցելով 99 տոկոսը
Քաղաքականություն
01.08.2022 | 23:30
Թուրքիայի ամենամեծ քաղաքում՝ Ստամբուլում, հուլիսին գնաճը, նախորդ ամսվա համեմատ, աճել է 4,09 տոկոսով։ Թուրքական լրատվամիջոցների հաղորդմամբ՝ տվյալները հրապարակել է Ստամբուլի Առևտրային պալատը։
Մանրածախ գների տարեկան աճը կազմել է 99,11 տոկոս, իսկ մեծածախ գներինը՝ 87,95 տոկոս՝ գրանցելով 24 տարվա առավելագույն ցուցանիշը։
Ոլորտների առումով ամսական գնաճը 17,31 տոկոս է կազմել առողջապահության և անձնական խնամքի, 7,70 տոկոս՝ կենցաղային ապրանքների, 4,83 տոկոս՝ սննդի, 4,44 տոկոս՝ մշակույթի, կրթության և զվարճանքի ոլորտներում, 2,63 տոկոս՝ հագուստի և 2,15 տոկոս՝ անշարժ գույքի ոլորտներում։
Հավելենք, որ Թուրքիայում գրանցված գնաճն աննախադեպ է։ Հունիսին երկրում տարեկան գնաճը հասել է 78,6 տոկոսի, որը վերջին քսան տարվա ամենաբարձր ցուցանիշն է։
Թուրքիայի վիճակագրական ինստիտուտը գնաճի նոր տվյալները հրապարակելու է չորեքշաբթի։
Էմմա Չոբանյան
