06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Կառավարությունը 30 մլրդ կտա կենսաթոշակների բարձրացմանը, կվճարի սահմանամերձ գյուղում սարքած տան վարկը. ՏԵՍԱՆՅՈՒԹ
Հասարակություն
29.07.2022 | 19:42
Աշխատանքի և սոցիալական հարցերի նախարար Նարեկ Մկրտչյանը Factor TV-ի հարցազրույցում կուտակային կենսաթոշակային համակարգի փլուզում չի կանխատեսում՝ ի պատասխան ահազանգերի, որ հնչում են մարդկանց հաշվիներից գումարների նվազեցման դեպքերով պայմանավորված։ Նախարարը կարծում է, որ սա կարճաժամկետ տատանման պրոցես է, և 2014-2020 թվականների փորձն, ըստ նրա, ցույց է տալիս, որ նվազեցումները կվերականգնվեն։
Factor TV-ին հետաքրքրվեց նախարարից՝ ինչ ծրագրեր և քայլեր է անում Կառավարությունը, որ Հայաստանում առկա սոցիալական անհավասարության և աղքատության մակարդակը նվազեցվի։ Նարեկ Մկրտչյանը մանրամասն ներկայացրեց Կառավարության նոր ծրագրերից մեկը, որով կրթական վերապատրաստման եղանակով վերապրոֆիլավորվում են պատերազմի մասնակից երիտասարդները, ապա պետությունն աջակցում է նրանց աշխատանքի տեղավորվել։ Արդեն պատերազմի 1000 մասնակից է ընդգրկվել ծրագրում։ Նախատեսվում է ծրագիրը տարածել բոլոր ժամկետային զինծառայողների վրա, որոնց ծառայությունից հետո ևս կառաջարկվի կրթվել և աշխատանք ունենալ։
Նարեկ Մկրտչյանը խոսեց նաև 1000 աղքատ ընտանիքի անվճար անասուններ տրամադրելու ծրագրի կասեցման, երկրում առկա գնաճի և Կառավարության ձեռնարկած քայլերի մասին՝ հաղթահարելու աղքատությունը գնաճի պայմաններում։
2023-ից կվերանայվի անապահովության նպաստի համակարգը, որից արդեն իսկ 10 000 ընտանիք դուրս է բերվել։ Կառավարությունը մտադիր է 30 մլրդ դրամ հատկացնել 2023-ից կենսաթոշակների բարձրացման նպատակով։ Նախարարին հարց ուղղվեց՝ ի՞նչ քայլեր են ձեռնարկելու, որ շարունակական գնաճի պայմաններում կենսաթոշակների սպասվելիք բարձրացումը որակական ազդեցություն ունենա քաղաքացիների կենսամակարդակի վրա։
Հարցազրույցն ամբողջությամբ՝ տեսանյութում։
Ռոբերտ Անանյան
