13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Չավուշօղլուն հայտարարել է, որ Ուկրաինական հացահատիկի գործարքը կարող է քայլ լինել դեպի հրադադարի հաստատում
Քաղաքականություն
29.07.2022 | 18:23
Ուկրաինական հացահատիկի արտահանման վերաբերյալ գործարքից հետո Թուրքիայի ԱԳ նախարաը հայտարարել է, որ «այժմ ժամանակն է կենտրոնանալ Ռուսաստանի և Ուկրաինայի միջև կրակի դադարեցման միջնորդության վրա», գրում են թուրքական լրատվամիջոցները։
Վրաստանի ԱԳ նախարար Իլյա Դարչինաշվիլիի հետ նախօրեի մամուլի ասուլիսում Չավուշօղլուն բարձր է գնահատել հացահատիկային գործարքը։ Հույս հայտնելով, որ այն կիրականացվի առանց որևէ ընդհատմաների կամ խնդիրների՝ Չավուշօղլուն ասել է, որ հացահատիկը և ցորենն այնուհետև կարող են տեղափոխվել հրատապ կարիք ունեցող երկրներ։
Նա նշել է, որ եթե գործարքը հաջողությամբ իրականացվի, ապա «այն կարող է խթանել վստահությունը Ռուսաստանի և Ուկրաինայի միջև»:
«Հիմա ժամանակն է կենտրոնանալ հրադադարի վրա։ Սա միայն արտգործնախարարների մակարդակով իրականացվող գործընթաց չէ»,-ասել է Չավուշօղլուն՝ հայտնելով Թուրքիայի պատրաստակամությունը՝ ընդունելու և միջնորդելու Ռուսաստանի և Ուկրաինայի միջև տևական խաղաղության բանակցությունները։
«Որպես Թուրքիա՝ մենք կշարունակենք մեր ջանքերը կողմերին վերադարձնելու դիվանագիտական սեղանի շուրջ որքան հնարավոր է շուտ»,-ասել է Մևլութ Չավուշօղլուն։
Էմմա Չոբանյան
