Քաղաքականություն
29.07.2022 | 16:50
Օդեսայի առևտրային նավահանգստի վերջին հրթիռային հարձակումը չի անդրադառնա հացահատիկային համաձայնագրի վրա, որը ստորագրվել է հուլիսի 22-ին Ստամբուլում։ Այս մասին իսպանական El Mundo-ի հետ հարցազրույցում հայտնել է Թուրքիայի նախագահի աշխատակազմի հաղորդակցության բաժնի ղեկավար Ֆահրեթին Ալթունը, գրում է Անադոլու գործակալությունը։
Նա նշել է, որ Օդեսայում տեղի ունեցած պայթյունները չեն վնասել նավահանգստի ենթակառուցվածքը, և նավերը կարող են ամբողջությամբ բեռնվել։
«Անկարան կշարունակի սերտ շփումները ինչպես Ուկրաինայի, այնպես էլ Ռուսաստանի հետ»,- ասել է Ալթունը։
Նա նշել է, որ Անկարան ռուս-ուկրաինական պատերազմի հենց սկզբում փորձել է այն դադարեցնել ու վերականգնել սևծովյան տարածաշրջանում խաղաղությունն ու կայունույունը։
«Ուկրաինայի երեք նավահանգիստներից հացահատիկի անվտանգ փոխադրման մասին համաձայնագիրը, որը ստորագրվել է Թուրքիայի ղեկավարի և ՄԱԿ-ի գլխավոր քարտուղարի ներկայությամբ, հնարավորություն է տվել նվազեցնել պարենային ապրանքների գներն աշխարհում։ Անկարան կշարունակի ջանքեր գործադրել տարածաշրջանում խաղաղություն ապահովելու համար»,-նշել է Ալթունը։
ՄԱԿ-ի գլխավոր քարտուղարի մարդասիրական հարցերով տեղակալ Մարտին Գրիֆիթսը հայտարարել էր, որ հնարավոր է՝ այսօր նավահանգստից շարժվի ուկրաինական հացահատիկով առաջին նավը։
Էմմա Չոբանյան
