09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
ԱՄՆ-ն հինգերորդ սերնդի F-22 կործանիչների խումբ է տեղակայել Եվրոպայում
Քաղաքականություն
29.07.2022 | 12:56
ԱՄՆ-ն F-22 Raptor կործանիչ-ռմբակոծիչներ է տեղափոխել Լեհաստանի Լասկ քաղաքի ավիաբազա, հայտնում է Եվրոպայում ԱՄՆ ռազմաօդային ուժերի հրամանատարությունը, գրում է swissinfo.ch-ն։
Նախօրեին Ալյասկայից ուղարկված հինգերորդ սերնդի ինքնաթիռները միջանկյալ վայրէջք են կատարել Անգլիայի Լեյքենհիտ ավիաբազայում։ Նախատեսվում է, որ ևս վեց F-22 է ժամանելու Եվրոպա, դրանք կարող են տեղակայվել հունական Կրետե կղզու Սուդա-բեյ բազայում։ Եվրոպայում ԱՄՆ ռազմաօդային ուժերի հրամանատարության տվյալներով՝ այս մարտական ինքնաթիռները «կուժեղացնեն ՆԱՏՕ-ի դաշնակիցների վահանը Բալթիկ ծովից մինչև Սև ծով»։
Դեռ ապրիլին լեհական Լասկ քաղաքի ավիաբազա էր ժամանել ամերիկյան ծովային հետևակի կորպուսի F/A-18C Hornet կործանիչ-ռմբակոծիչների էսկադրիլիան։ Բացի այդ փետրվարին ԱՄՆ-ն ՆԱՏՕ-ի հավաքական պաշտպանությունն ուժեղացնելու համար Լեհաստան էր ուղարկել F-15 Eagles կործանիչների խումբ։
Էմմա Չոբանյան
