16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Facebook-ի եկամուտը պատմության մեջ առաջին անգամ նվազել է
Քաղաքականություն
28.07.2022 | 15:47
Ամերիկյան Facebook սոցիալական ցանցը 2022-ի երկրորդ եռամսյակում եկամտի 1% անկում է գրանցել։ Ընկերությունում ենթադրում են, որ երրորդ եռամսյակում նվազումը կարող է ավելի մեծ լինել: Այս մասին հայտնում է The Verge-ը։ Meta մայր ընկերության ընդհանուր շահույթը նվազել է 36 տոկոսով՝ հասնելով 6,7 միլիարդ դոլարի: Reality Labs-ը, որը զբաղվում է Մարկ Ցուկերբերգի մետատիեզերքի ստեղծմամբ, այս եռամսյակում կորցրել է 2,8 միլիարդ դոլար:
Հրատարակության փորձագետների կարծիքով՝ դա ցույց է տալիս, թե որքան բարդ է դարձել Meta-ի բիզնեսը բոլոր ճակատներում։ Օգտատերերի տվյալներին հետևելու վերաբերյալ Apple-ի սահմանած նոր կանոնները նվազեցրել են iPhone-ի օգտատերերի մոտ գովազդի արդյունավետությունը․ դրա հետևանքով միայն անցյալ տարի Meta-ն զրկվել է 10 մլրդ դոլարի գովազդային եկամտից:
Չնայած եկամտի կրճատմանը՝ Facebook-ի ամենօրյա օգտագործողների թիվը երեք տոկոսով ավելացել է՝ հասնելով 1,97 միլիարդի։ Meta-ի տվյալներով 2,88 միլիարդ օգտատեր ամեն օր օգտվում է ընկերության սոցիալական հավելվածներից (Facebook, Messenger, Instagram և WhatsApp): Սա չորս տոկոսով ավելի է, քան մեկ տարի առաջ էր:
Տաթև Ֆռանգյան
