20.11.2024 | 14:13
Քրեական վարույթներ՝ թմրանյութի հայտնաբերման դեպքերով
Ամերիկացի հրշեջները եռօրյա դասընթացներ են անցկացրել ԱԻՆ-ում
27.07.2022 | 21:05
Արտակարգ իրավիճակների նախարարության Ճգնաժամային կառավարման պետական ակադեմիայում ԱՄՆ անտառային ծառայության միջազգային ծրագրերի շրջանակում անցկացվել են անտառային հրդեհների մարման հիմունքների եռօրյա դասընթացներ: Այս մասին տեղեկանում ենք ԱԻՆ-ից։
Մասնակցել են ԱԻՆ հրշեջ-փրկարարները՝ օղակի հրամանատարից մինչև խմբի պետեր, Շրջակա միջավայրի նախարարության անտառտնտեսություններից և բնության հատուկ պահպանվող տարածքներից ներկայացուցիչներ՝ ընդհանուր մոտ 50 ունկնդիր:
Դասախոսություններով հանդես են եկել ԱՄՆ անտառային ծառայության նախկին կենսաթոշակային տարիքի հրշեջները:
Մասնակիցներին ներկայացվել են հրդեհաշիջման, անտառային հրդեհների մարման, միջգերատեսչական համակարգման, հրդեհային վտանգի կանխատեսման, վաղ ազդարարման հմտությունները, անտառային հրդեհների տարածման բնույթը, մարտավարություններն ու ռազմավարությունը:
Միջոցառման նպատակն էր անձնակազմի կարողությունների զարգացումը:
Ի դեպ, ԱՄՆ անտառային ծառայության նախկին հրշեջները հուլիսի 29-ին Խոսրովի անտառ պետական արգելոցում հետևելու են ԱԻՆ ուսումնավարժության շրջանակում հայ մասնագետների գործողություններին:
