16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Աշխարհի խոշորագույն օդանավակայանը քովիդի համավարակի մեկնարկից ի վեր առաջին անգամ արտերկրից թռիչքներ է ընդունել
Քաղաքականություն
27.07.2022 | 21:35
Պեկինի Դաքսինգ միջազգային օդանավակայանը, որն ամենամեծն է աշխարհում, վերսկսում է արտերկրից չվերթններ ընդունելը։ Դրանք ընդատված էին արդեն ավելի քան 2 տարի՝ կորոնավիրուսի համավարակի մեկնարկից ի վեր։ Այս մասին հայտնում է Bloomberg-ը։ Չվերթների վերսկսումը հնարավոր է դարձել այն բանից հետո, երբ Չինաստանը մասամբ թուլացրեց սահմանային ռեժիմը, որը, այնուամենայնիվ, շարունակում է մնալ աշխարհում ամենախիստը։
Մասնավորապես, հուլիսի 26-ին VariFlight-ի տվյալները ցույց են տվել 94 միջազգային չվերթ դեպի Չինաստան՝ 2019 թվականի նույն օրվա 2883-ի համեմատ։
Չինաստանի քաղաքացիական ավիացիայի վարչությունը 2020 թվականի սկզբին էր արգելել արտերկրից դեպի Պեկին ուղիղ չվերթները։ Այդ ժամանակվանից ի վեր ցանկացած ոք, ով մեկնում էր մայրաքաղաք, նախ պետք է վայրէջք կատարեր նախապես հաստատված քաղաքներից մեկում, կարանտինին անցներ, որից հետո միայն կարող էր մեկներ Պեկին:
Տաթև Ֆռանգյան
