08.06.2026 | 07:53
Ամփոփվել են 1596 ընտրատեղամասերից ստացված նախնական արդյունքները. ԿԸՀ
Եվրոպայում շարունակում են մոլեգնել անտառային հրդեհները
Քաղաքականություն
27.07.2022 | 13:27
Գերմանիայի Բրանդենբուրգի և Սաքսոնիայի դաշնային նահանգներում երկու խոշոր անտառային հրդեհների դեմ պայքարը շարունակվում է։ Հրդեհաշիջմանը մասնակցում է մոտ 700 հրշեջ և առնվազն 90 միավոր տեխնիկա, այդ թվում՝ Բունդեսվերի ուղղաթիռներ, գրում է DW-ի ռուսական ծառայությունը։
Բրանդենբուրգում հրդեհը բռնկվել է հուլիսի 25-ին և այժմ ընդգրկում է 500 հեկտար տարածք, իշխանությունները արտակարգ դրություն են հայտարարել։ Մի քանի բնակավայրերից շուրջ 700 մարդ ժամանակավորապես տարհանվել էր, սակայն նրանք արդեն վերադառնում են իրենց տները։ Հաղորդվում է 7 վիրավոր հրշեջների մասին։
Սաքսոնիայի մարզում էլ հրդեհը տարածվել է հարևան Չեխիայի տարածքից, որտեղ բռնկվել էր կիրակի՝ հուլիսի 24-ին։ Ուժեղ քամու պատճառով կրակը արագ է տարածվում։ Սաքսոնական իշխանությունների տվյալներով հրդեհի դեմ պայքարը կտևի ևս մի քանի օր։ Իսկ Չեխիայում շուրջ 400 հրշեջներ են պայքարում անտառային հրդեհի դեմ, չնայած դրան՝ որոշ տեղերում այն տարածվել է բնակելի շենքերի ուղղությամբ, որոշ գյուղերի բնակիչներ տարհանվել են։
Արևմտյան Եվրոպայի մի շարք երկրներում ևս՝ Հունաստանում, Պորտուգալիայում և Իսպանիայում կրակը մեծ տարածք էր ընդգրկել, հազարավոր բնակիչներ և զբոսաշրջիկներ ստիպված են եղել լքել իրենց բնակության և հանգստի վայրերը, կան զոհեր։
Տաթև Ֆռանգյան
