15.04.2026 | 17:38
Մոսկվան ու Բաքուն համաձայնության են եկել․ կողմերը հայտարարություն են տարածել AZAL-ի ինքնաթիռի վթարի հետ կապված
Աբովյանի համայնքապետարանի շենք առանց դիմակի մուտքն արգելված է
26.07.2022 | 16:53
Factor.am-ը քաղաքացիներից ահազանգեր է ստացել, որ Աբովյանի համայնքապետարանի շենք առանց պաշտպանիչ դիմակի ներս մտնել չեն թույլատրում։ Factor.am-ը կապ հաստատեց համայնքապետարանի ընդունարանի հետ։ Գործավարը հաստատեց տեղեկությունը։
«Քովիդով վարակված աշխատող ունեինք և տեղյակ չէինք, 2-րդ օրը թեստավորվել էր, պատասխանը դրական էր, բայց քանի որ արդեն իսկ վարակված այցելել էր աշխատանքի, անվտանգության համար քաղաքացիներին խնդրում ենք դիմակ կրել»,- ասաց աշխատակիցը։
Հարցին՝ պարտադիր դիմակ կրելու պահանջ մտցնելու հրահանգ առողջապահության նախարարությունի՞ց են ստացել , գործավարը բացասական պատասխան տվեց։
Հիշեցնենք՝ փակ տարածքներում դիմակ կրելու պահանջը ՀՀ առողջապահության նախարարությունը հանել է այս տարվա մարտի 2-ից։
Ի դեպ, վերջին ամիսների համաճարակային կայուն իրավիճակը վերջին շաբաթներին փոփոխություն է կրել ինչպես աշխարհում, այնպես էլ Հայաստանում։ Կորոնավիրուսի դեպքերը մեր երկրում աճել են․ հուլիսի 18-24-ն ընկած ժամանակահատվածում 965 նոր դեպք է գրանցվել, 7 մարդ մահացել է։
Արփի Հակոբյան
