09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
ՌԴ-ում 386 ուղևորով ինքնաթիռը վթարային վայրէջք է կատարել
Քաղաքականություն
26.07.2022 | 17:04
Մոսկվա-Յուժնո-Սախալինսկ չվերթն իրականացնող ինքնաթիռը տագնապի ահազանգ է տվել և բարեհաջող վթարային վայրէջք է կատարել, հայտնում է «Ինտերֆաքսը»՝ հղում կատարելով օդանավակայանի մամուլի ծառայությանը։
«Մեր օդանավակայանը տագնապի ազդանշան է ստացել՝ կապված «Աերոֆլոտ» ընկերության ինքնաթիռի հետ, որը կատարում էր Մոսկվա-Յուժնո-Սախալինսկ չվերթը: Տագնապի ազդանշանից հետո դեպքի վայր են ժամանել արտակարգ իրավիճակների բոլոր ծառայությունները»,- ասել է գործակալության զրուցակիցը։
Նրա խոսքով՝ ինքնաթիռը բարեհաջող վայրէջք է կատարել Յուժնո-Սախալինսկի օդանավակայանում տեղական ժամանակով ժամը 15:05-ին (Մոսկվայի ժամանակով 07:05-ին): Ինքնաթիռի անձնակազմից ահազանգը ստացվել է գլխավոր շասսի վնասված անվադողի պատճառով։ Ինքնաթիռում եղել է 399 մարդ (անձնակազմի 13 անդամ, 386 ուղևոր)։
Տաթևբ Ֆռանգյան
