ՄԱԿ-ի ԱԽ-ն դատապարտել է Իրաքյան Քուրդիստանի հանգստվայրի հրետակոծությունը

ՄԱԿ-ի Անվտանգության խորհուրդը դատապարտել  է Իրաքի Քուրդիստանի Դոհուկ նախագահի Զախո հանգստվայրի հրետակոծությունը։ «Անվտանգության խորհրդի անդամները  խստագույնս դատապարտում են  Իրաքի Դոհուկ նահանգում 2022 թ-ի հուլիսի 20-ին տեղի ունեցած հարձակումը։ Հարձակման հետևանքով զոհվել է 9 խաղաղ բնակիչ, այդ թվում՝ երեխաներ։ Անվտանգության խորհրդի անդամներն իրենց խորին կարեկցանքն ու ցավակցությունն են հայտնում զոհվածների ընտանիքներին, Իրաքի կառավարությանն ու Իրաքյան Քրդստանի տարածաշրջանին, վիրավորներին ցանկանում շուտափույթ ու լիովին ապաքինում ու իրենց աջակցությունը հայտնում Իրաքի իշխանություններին հետաքննության հարցում։ ԱԽ անդամները կոչ են անում բոլոր անդամ երկրներին ակտիվորեն համագործակցել Իրաքի կառավարության և բոլոր համապատասխան մարմինների հետ՝ աջակցելու այդ հետաքննություններին»,-ասվում է հայտարարության մեջ։

ԱԽ անդամները նաև վերահաստատել են իրենց աջակցությունը Իրաքի անկախությանը, ինքնիշխանությանը, միասնությանը, տարածքային ամբողջականությանը, ժողովրդավարական գործընթացին և բարգավաճմանը։

Հիշեցնենք, որ Իրաքի Քրդական Զախո քաղաքի մերձակայքում գտնվող հանգստավայրում հրետակոծության հետևանքով զոհվել է 9 մարդ, 23-ը՝վիրավորել։ Բաղդադը Թուրքիային է մեղադրում հարձակման համար, իսկ Անկարան հերքում է իր մասնակցվությունը՝ պնդելով, որ հարձակման պատասխանատվությունը կրում է  Քրդստանի աշխատավորական կուսակցությունը։ Հիշեցնենք, որ ՀՀ ԱԳՆ-ն ևս դատապարտել է  Զախո հանգստավայրի հրետակոծությունը։

Էմմա Չոբանյան