08.06.2026 | 14:56
Մայա Սանդուն շնորհավորել է Նիկոլ Փաշինյանին ընտրություններում հաղթանակի առթիվ՝ «չնայած զանգվածային արտաքին միջամտությանը»
Ֆրանսիայում կապիկի ծաղիկի ավելի քան 1700 դեպք է հաստատվել
Քաղաքականություն
26.07.2022 | 12:26
Ֆրանսիայում կապիկի ծաղիկ հիվանդության ավելի քան 1700 հաստատված դեպք է գրանցվել։ Այս մասին հուլիսի 25-ին հայտնել է BFMTV հեռուստաալիքը՝ երկրի առողջապահության նախարար Ֆրանսուա Բրոնին հղումով։
Առողջապահության նախարարության ղեկավարը հայտարարել է Իլ-դե-Ֆրանսում կապիկի ծաղիկի դեմ պատվաստման խոշոր կենտրոն բացելու մասին։ Բրոնը նաև տեղեկացրել է, որ հրաման է ստորագրելու, որը թույլ կտա բժշկական բուհերի բոլոր ուսանողներին պատվաստել վարակի դեմ։
Ֆրանսիայի Առողջապահության ազգային գործակալության տվյալներով՝ անցյալ շաբաթ երկրում հաստատված 1 567 դեպքերի գրեթե կեսը (726-ը) գրանցվել է Փարիզում և հարակից շրջաններում:
Հիշեցնենք՝ ԱՀԿ ղեկավար Թեդրոս Ադհանոմ Գեբրեյեսուսը աշխարհում կապիկի ծաղիկի բռնկումն անվանել է միջազգային հանրային առողջության արտակարգ իրավիճակ: Վերջին տվյալներով՝ աշխարհի 75 երկրներում գրանցվել է հիվանդության ավելի քան 16 հազար դեպք։
Տաթև Ֆռանգյան
