12.09.2026 | 14:22
Զելենսկին պատրաստ է Պուտինի հետ հանդիպել G20-ի գագաթնաժողովում
Եվրոպան ցանկանում է մինչև 2027 թվականը վերացնել ռուսական գազից կախվածությունը
Քաղաքականություն
25.07.2022 | 13:09
ԵՄ-ն արդեն այժմ պետք է կրճատի ռուսական գազի սպառումը, որպեսզի մինչև հաջորդ տարվա մարտ խնայողությունները կազմեն 15% (45 միլիարդ խորանարդ մետր), գերմանական DPA գործակալությանը տված հարցազրույցում ասել է Եվրահանձնաժողովի ղեկավար Ուրսուլա ֆոն դեր Լեյենը։ Նա Ռուսաստանն անվանել է գազի արտահանման անվստահելի գործընկեր, գրում է BBC-ի ռուսական ծառայությունը։
«Մեր հիմնական նպատակը մնում է Եվրոպայում ռուսական գազի մատակարարումից ամբողջական անկախության հասնելը ոչ ուշ, քան 2027 թվականին»,- ասել է նա։ ԵՄ-ն պատրաստվում է 300 միլիարդ եվրո ներդնել գազի խնայողության և էներգիայի վերականգնվող աղբյուրների անցնելու նախագծերում։
«Միաժամանակ մենք նոր պայմանագրեր ենք կնքում ավելի վստահելի գործընկերների հետ, ինչպիսիք են ԱՄՆ-ը և Նորվեգիան»,- ասել է Եվրահանձնաժողովի ղեկավարը։ Անցյալ շաբաթ Եվրահանձնաժողովը հայտարարեց ԵՄ գազի սպառումը 15%-ով մինչև 2023 թվականի գարուն կրճատելու ծրագրի մասին՝ ինչը կնվազեցնի և՛ ռիսկը, և՛ ծախսերը Եվրոպայի համար ռուսական գազի մատակարարումների հետագա խափանման կամ ամբողջական կրճատման դեպքում:
Տաթև Ֆռանգյան
