08.06.2026 | 13:50
WTA. Էլինա Ավանեսյանը մեծ առաջընթաց է գրանցել դասակարգման աղյուսակում
Եվրոպայում կորոնավիրուսի նոր ալիք է սկսվել
Քաղաքականություն
19.07.2022 | 18:47
Եվրոպայում կորոնավիրուսի նոր ալիք է սկսվել, որը պայմանավորված է օմիկրոնի նոր ենթատեսակի տարածմամբ։ Այս մասին հայտնում է Առողջապահության համաշխարհային կազմակերպության կայքը։
«Անցյալ տարի այս ժամանակահատվածում ԱՀԿ-ն խոսում էր COVID-19-ի նոր ալիքի մասին, որն ընդգրկել է ամբողջ տարածաշրջանը և առաջացել է Դելտա շտամի պատճառով՝ սահմանափակումների վերացման և սոցիալական շփումների ավելացման պայմաններում: Այժմ պարզ է, որ մենք անցյալ ամառվա նման իրավիճակում ենք»,- ասել է (ԱՀԿ) եվրոպական բյուրոյի ղեկավար Հանս Կլյուգեն։
COVID-19-ի շարունակական ալիքն այս անգամ պայմանավորված է կորոնավիրուսի Omicron շտամի BA.2 և BA.5 ենթատեսակներով:
«Դեպքերի աճի հետ մեկտեղ տեսնում ենք նաև հոսպիտալացումների աճ, որը կավելանա դպրոցների վերաբացման, արձակուրդից մարդկանց վերադարձի հետ մեկտեղ, իսկ սոցիալական շփումներն ավելի հաճախակի կդառնան», – ասել է Կլյուգեն:
ԱՀԿ-ի տվյալներով՝ Եվրոպայում վերջին վեց շաբաթվա ընթացքում նկատելի COVID-19-ի դեպքերի աճ։ Անցած շաբաթ գրանցվել շուրջ երեք միլիոն նոր դեպք։ Սա կազմում է ամբողջ աշխարհում բոլոր նոր դեպքերի գրեթե կեսը:
Տաթև Ֆռանգյան
