21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Արցախի գրավյալ տարածքներում ականներից Թուրքիայի և Ադրբեջանի քաղաքացիներ են վիրավորվել
14.07.2022 | 22:33
Արցախի գրավյալ տարածքներում ականի վրա պայթելու 2 դեպք է արձանագրվել։ Ադրբեջանական լրատվամիջոցները հաղորդում են, որ Արցախի Մարտունու շրջանի Թաղավարդ գյուղի գրավյալ հատվածում ականի վրա է պայթել Թուրքիայի Հանրապետության քաղաքացի Յալփիրի Յըլդիրայը, որն աշխատում է որպես շինարարական ընկերության էքսկավատորի վարորդ։ Նա շինարարական աշխատանքների ընթացքում ականի պայթյունից տարբեր աստիճանի մարմնական վնասվածնքեր է ստացել։
Մեկ այլ դեպք է տեղի ունեցել Ջրականում․ Azersun Holding ընկերության վարորդ 1996 թ-ին ծնված Շամիլ Մամեդովի բեռնատարը Թովմաս գյուղի ուղղությամբ շարժվելիս պայթել է հակատանկային ականի վրա։ Մամեդովը ծանր վնասվածքներ է ստացել։
44-օրյա պատերազմից հետո Արցախի գրավյալ տարածքներում 234 ադրբեջանցի է պայթել ականի վրա, որից 39-ը՝ մահացել է, 195-ը՝ տարբեր աստիճանի վնասվածքներ ստացել ստացել։
Էմմա Չոբանյան
