09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՆԱՍԱ-ն հրապարակել է աշխարհի ամենամեծ աստղադիտակի՝ Ջեյմս Ուեբի առաջին լուսանկարները
Քաղաքականություն
12.07.2022 | 23:18
Հուլիսի 11-ին ԱՄՆ նախագահ Ջո Բայդենը ներկայացրել է ՆԱՍԱ-ի Ջեյմս Ուեբ տիեզերական աստղադիտակի կողմից արված առաջին լուսանկարը, որի բարձր լուծաչափով պատկերը բացահայտում է Մեծ պայթյունից հետո ձևավորված ամենավաղ գալակտիկաները, գրում է «Ամերիկայի ձայն»-ը։
ՆԱՍԱ-ն, ESA-ի (Եվրոպական տիեզերական գործակալություն) և CSA-ի (Կանադական տիեզերական գործակալություն) հետ համագործակցությամբ, հրապարակել է Ուեբի առաջին ամբողջական գունավոր պատկերների և սպեկտրոսկոպիկ տվյալների ամբողջական փաթեթը հեռուստատեսային հեռարձակման ժամանակ երեքշաբթի՝ հուլիսի 12-ին, Մերիլենդ նահանգի Գրինբելթ քաղաքում գտնվող ՆԱՍԱ-ի Գոդարդի տիեզերական թռիչքների կենտրոնից։
ՆԱՍԱ-ի Ջեյմս Ուեբ տիեզերական աստղադիտակի առաջին նկարը հեռավոր տիեզերքի մինչ օրս ամենախորը և ամենասուր ինֆրակարմիր պատկերն է:
Հազարավոր գալակտիկաներ, ներառյալ ինֆրակարմիր ճառագայթում երբևէ նկատված ամենաթույլ օբյեկտները, առաջին անգամ են հայտնվել Ուեբի տեսադաշտում:
Հրապարակվելով մեկ առ մեկ՝ աշխարհի ամենամեծ և ամենահզոր տիեզերական աստղադիտակի առաջին լուսանկարները ցույց են տալիս Ուեբին իր ողջ հզորությամբ՝ պատրաստ սկսելու ինֆրակարմիր տիեզերքը բացահայտելու իր առաքելությունը:
