01.05.2026 | 16:56
Ադրբեջանական պատվիրակության այցը Հայաստան պատմական իրադարձություն էր. Հաջիև
Bloomberg-ը հայտնում է ռուսական ոսկու ներկրման դեմ պատժամիջոցներ սահմանելու՝ ԵՄ ծրագրերի մասին
Քաղաքականություն
01.07.2022 | 21:57
Ռուսաստանի Դաշնության դեմ պատժամիջոցների նոր փաթեթի վրա մշակման շրջանակում ԵՄ-ում ուսումնասիրում են միության տարածք ռուսական ոսկու ներմուծման արգելք սահմանելու հնարավորությունը։ Այս մասին հայտնում է Bloomberg-ը՝ հղում անելով սեփական աղբյուրներին, գրում է Ինտերֆաքսը։
«ԵՄ-ն աշխատում է նոր պատժամիջոցերի վրա, որոնք ուղղված են ռուսական ոսկու արգելքին»,- գրում է լրատվամիջոցը։
Նշվում է, որ ԵՄ ծրագրերը համընկնում են Մոսկվայի եկամտի աղբյուրները կրճատելու՝ G7-ի երկրների մտադրությունների հետ։ Աղբյուրների տվայլներով՝ պատժամիջոցների նոր փաթեթը ներառելու է նաև նախկինում ներդրված միջոցների ուղղումներ, ինչպիսիք են «պատժամիջոցների տակ գտնվող ապրանքների տարանցման կանոնների ճշգրտումը» դեպի Կալինինգրադ։
Բացի այդ, առաջիկայում ԵՄ-ն կկենտրոնանա գործող միջոցների խստացման վրա, ինչպիսիք են տեխնոլոգիաների արտահանման սահմանափակումները, ինչպես նաև ֆիզիկական և իրավաբանական անձանց պատժամիջոցների ցանկի ընդլայնումը։
Լրատվամիջոցները, միաժամանակ, նշում է, որ ոլորտային վերլուծաբաններն ավելի քիչ են ոգևորված՝ արգելքը հիմնականում անվանելով խորհրդանշական, քանի որ Ուկրաինայի շուրջ իրադարձությունների հետ կապված Ռուսաստանի դեմ կիրառված պատժամիջոցներն արդեն փաստացիորեն փակել են նրա համար եվրոպական և ամերիկյան շուկաները։
Էմմա Չոբանյան
