08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Վարչապետ Նիկոլ Փաշինյանը հեռախոսազրույց է ունեցել Ֆեդերիկա Մոգերինիի հետ
Քաղաքականություն
10.05.2018 | 19:06
Վարչապետ Նիկոլ Փաշինյանը մայիսի 8-ին հեռախոսազրույց է ունեցել ԵՄ արտաքին քաղաքականության և անվտանգության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիի հետ, ով շնորհավորել է Նիկոլ Փաշինյանին Հայաստանի նոր վարչապետ ընտրվելու կապակցությամբ:
Զրուցակիցները վերահաստատել են Եվրոպական Միության և Հայաստանի միջև գործընկերության կարևորությունը: Հեռախոսազրույցի ընթացքում քննարկվել են ԵՄ-ի և Հայաստանի միջև կապերի ընդլայնման հնարավորությունները, արտաքին քաղաքական առաջնահերթ հարցերը, այդ թվում՝ Լեռնային Ղարաբաղի հակամարտությունը, որի խաղաղ կարգավորումը շարունակում է մնալ Եվրոպական Միության առաջնահերթություններից մեկը:
ԵՄ բարձր ներկայացուցիչը հրավիրել է Նիկոլ Փաշինյանին առաջին իսկ հնարավորության դեպքում այցելել Բրյուսել:
Վարչապետ Նիկոլ Փաշինյանը շնորհակալություն է հայտնել Ֆեդերիկա Մոգերինիին շնորհավորանքի, բարեմաղթանքների և հրավերի համար:
