17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Ադրբեջանը և Ուզբեկստանը ռազմավարական գործընկերության հռչակագիր և ռազմական ոլորտում համագործակցության համաձայնագիր են ստորագրել
Քաղաքականություն
21.06.2022 | 22:39
Ադրբեջանն ու Ուզբեկստանը Տաշքենդում բարձր մակարդակով բանակցությունների արդյունքներով փաստաթղթերի փաթեթ են ստորագրել՝ ուղղված երկկողմ համագործակցության ընդլայնմանը, գրում են ադրբեջանական լրատվամիջոցները։
Փաստաթղթերը ստորագրվել են Ադրբեջանի և Ուզբեկստանի նախագահներ Իլհամ Ալիևի և Շավքաթ Միրզոևի բանակցություններից հետո։
Նշվում է, որ Ադրբեջանի և Ուզբեկստանի միջև ստորագրվել է ռազմավարական գործընկերության խորացման և համապարփակ համագործակցության ընդլայնման մասին հռչակագիր։
Երկու երկրները նաև համաձայնագիր են ստորագրել ռազմական ոլորտում համագործակցության մասին։ Այն ստորագրել են Ադրբեջանի պաշտպանության նախարար Զաքիր Հասանովը և Ուզբեկստանի պաշտպանության նախարար Բախոդիր Կուրբանովը։ Բացի այդ, ստորագրվել է ռազմատեխնիկական ոլորտում համագործակցության մասին համաձայնագիր։ Բացի այդ, տարբեր ոլորտներին առնչվող մի շարք այլ համաձայնագրեր են ստորագրվել։
Նշենք, որ Ուզբեկստան կատարած այցի շրջանակում Իլհամ Ալիևը Շավքաթ Միրզիյոևի հետ մասնակցել է Տաշքենդում Հեյդար Ալիևի անվան վերանորոգված փողոցի և խորաքանդակի բացմանը։ Ադրբեջանական լրատվամիջոցների հաղորդմամբ՝ Միրզոևը Ադրբեջանին շնորհավորել է Արցախյան երկրորդ պատերազմում «հաղթանակի ու տարածքային ամբողջականության վերականգնման կապակցությամբ»։
Էմմա Չոբանյան
