26.11.2024 | 12:49
NYMEX. Թանկարժեք մետաղների գները նվազել են
Ռուսաստանը Լիտվայից պահանջել է վերացնել Կալինինգրադի մարզ բեռների տարանցման արգելքը
Քաղաքականություն
20.06.2022 | 22:08
Ռուսաստանը Լիտվայից պահանջում է վերացնել իր տարածքով դեպի Կալինինգրադի մարզ բեռների երկաթուղային տարանցման սահմանափակումները, հակառակ դեպքում՝ Մոսկվան իրեն իրավունք է վերապահում պատասխան գործողություններ իրականացնել։ Այս մասին ասվում է ՌԴ ԱԳՆ տարածած հաղորդագրության մեջ, գրում է ՏԱՍՍ-ը։
Նշվում է, որ ԱԳՆ է կանչվել Ռուսաստանում Լիտվայի գործերի ժամանակավոր հավատարմատար Վիրջինիա Ումբրասենը։
Նախարարությունից նշել են, որ Լիտվայի դիվանագիտական առաքելության ղեկավարին խիստ բողոք է ներկայացվել և պահանջ՝ անհապաղ վերացնել այդ սահմանափակումները։
«Այդ կապակցությամբ հայտարարվել է, որ եթե առաջիկայում Լիտվայի տարածքով Կալինինգրադի մարզի և Ռուսաստանի Դաշնության մնացած տարածքների միջև բեռնափոխադրումն ամբողջությամբ չվերականգնվի, ապա Ռուսաստանն իրեն իրավունք է վերապահում միջոցներ ձեռնարկել՝ իր ազգային շահերը պաշտպանելու համար»,- ասվում է ԱԳՆ հայտարարության մեջ։
Նշվում է, որ ՌԴ-ն այդ գործողությունները դիտարկում է որպես բացահայտ թշնամանք Լիտվայի կողմից միջազգային իրավական պարտավորությունների խախտում։
Էմմա Չոբանյան
