06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Անցած տարի ատոմակայանն առաջին անգամ սկսել է աշխատել հնարավորության 98 տոկոսի չափով. Գնել Սանոսյան․ ՏԵՍԱՆՅՈՒԹ
Տնտեսություն
15.06.2022 | 13:49
2040 թվականի համար էներգետիկ ոլորտի ռազմավարության ընդունումը կարևոր ձեռքբերում է: ԱԺ-ում ՀՀ 2021 թվականի պետական բյուջեի կատարման տարեկան հաշվետվության քննարկման ժամանակ այս մասին նշեց Տարածքային կառավարման և ենթակառուցվածքների նախարար Գնել Սանոսյանը՝ ընդգծելով, որ Կառավարության բոլոր գործողությունները բխում են հենց այդ ռազմավարությունից:
«Նախորդ տարի կարևոր էր «Արմփաուեր» 254 մեգավատ հզորությամբ ջերմային էլեկտրակայանների շահագործման հանձնելը, որը մեր էներգետիկ համակարգում կարևոր դեր ունի, խոշոր ներդրում եղավ՝ շուրջ 250 միլիոն դոլարի չափով, բազմաթիվ աշխատատեղեր ստեղծվեցին, իսկ այդ ջերմակայանի օգտակար գործողության գործակիցը բարձր է»,-ասաց Սանոսյանը:
Անդրադառնալով Մեծամորի ատոմակայանի աշխատանքին՝ նախարարը նշեց, որ ամեն տարի որոշակի պարբերականությամբ ատոմակայանը կանգնում է , որոշակի վերանորոգման փուլ է անցնում։
«Նախորդ տարի բավական ծավալուն փուլ էր, կարևոր հատվածներում փոփոխություններ տեղի ունեցան, վերջում մի կարևոր ձեռքբերում ունեցանք՝ 1995 թվականից սկսած՝ ատոմակայանն աշխատել է իր հզորության 92 տոկոսի չափով, իսկ անցած տարի կապիտալ փոփոխություններից հետո առաջին անգամ սկսել է աշխատել հնարավորության 98 տոկոսի չափով»,-հայտարարեց Սանոսյանը:
Մանրամասները՝ տեսանյութում:
